2013年6月5日 星期三
鼻敏感、鼻炎救星
天氣轉熱，美好媽媽個壞鼻又唔聽話了～鼻塞+鼻竇發炎真係好痛苦，總知就有口難言了！早兩日配番專科醫生開嘅專科藥物，感覺好似好番少少，但係又斷唔到尾仲係好辛苦，所以呢兩日積極上網搵D可以令個鼻舒服又唔傷身嘅方法。終於見到好多有鼻竇炎嘅患者都有利用生理鹽水嚟洗鼻，以減輕及舒緩鼻敏嘅情況，其實之前係專科醫生亦有試過，不過每次診金實在太昂貴了。本來仲以為會好難先買到個洗鼻器，點知今日去番屈臣氏搵番個藥劑師哥哥，經佢介紹吓即時買咗呢個由澳洲出品嘅洗鼻器兼生理鹽水粉，真係開心到笑起上嚟，希望只要有恆心，呢個跟咗我廿年以上嘅壞鼻會聽聽話話，等我唔駛咁辛苦啦！因為只有身同感受嘅人就知道嗰種痛苦了！今晚沖完涼即時試咗第一次用呢個超級救星，原來都好容易用同埋洗完真係即時通咗，希望持之以恆會有好成果唔駛再食咁多藥咁傷身就好了，我一定會努力架～
訂閱：
文章 (Atom)