鳥結糖

腸胃炎了一個星期，今日終於好番D，所以即刻入廚房開工整假日小食…鳥結糖!真係軟綿綿香甜又好味，三位男仕食到唔停口呀!

材料:
綿花糖                     150g
奶粉                         80g
果仁(腰果)              60g

做法:
1. 先將腰果洗淨焗香，備用
2. 綿花糖隔水煮溶
3. 然後加入奶粉，即時快手攪勻
4. 再加入果仁並將所有材料混合
5. 用焗爐紙將溶液稍為壓平，再放入容器內定型
6. 放入雪櫃最少1-2小時後便可切件食用了

*果仁可隨個人喜好，如合桃.杏仁等。而味道亦可加入杏仁粉.可可粉.咖啡粉…

貪吃的後果…仍然在痛!

美好媽媽腸胃一向比其他人敏感，只要食到唔乾淨嘅食物就會肚仔痛兼肚屙，呢幾日真係好辛苦呀!打針食藥樣樣齊，攪到無晒心機，仲要只可以食白粥過活咋，可憐*_*

今年的第一次…大閘蟹!

每年生日前後，總有一兩個知己密友會同美好媽媽食生日晚餐，而且必定係豐富又美味嘅食品!今晚同亞仔契媽撐檯腳兼食我們倆個嘅共同至愛…大閘蟹!今年係首次品嘗，真係令人回味再回味，每人食了三大隻邊食邊講，無所不談，友情嘅維繫係毋需日日見，只要大家都彼此尊重對方，關心對方，友誼就是這樣的!

大假後的第一天…好攰呀!

放完一個多星期大假，今日終於要返到戰場返工了!好掛住兩隻白厭豬仔，真係唔捨得返工啊!一切又回復正常，爸爸又要做番專業揍仔公啦!今日忙完一個上午，下午就開咗個馬拉松會…好攰呀*_*

今天來個運動日

假期尾聲了!兩位小朋友聽日又要上學去啦~趁住天氣唔錯，就比兩隻小寶出外活動伸展一下，好耐無出過大草地踢波波，今日又可以盡情出一身汗了!

美好媽媽又大一歲了!

每年美好媽媽牛一都會巴閉少少，因為年年都會放煙花&係公衆假期嘛！最開心當然係有三位俊男相伴撐檯腳啦~今日美好媽媽收爐一天，早餐&午餐出街街嘆番吓!大人生日做小朋友就最開心，有得食又有禮物收，當然美好媽媽都買番份大禮物送比自己啦!夜晚返屋企一切唱生日歌切美好媽媽親自製作嘅蛋糕...真係好開心架!其實每年有兩位寶貝一齊同我過生日人生已經好滿足了^_^

中秋節之夜

八月十五中秋節，是日一家人茹素日~牛油粟米、鮮果沙律、再加上濃香芝士焗薯蓉，豐富又美味啊！食飽飽就同兩位少爺到碼頭賞月兼玩燈籠，中秋節最緊要一家開心渡過，人月兩團圓！

迎月日、燒烤夜

中秋前席，最開心就係一班屋企人聚吓、傾吓、食吓...難得一家大細聚埋一齊，千里迢迢來到我哋屋企附近BBQ，高高興興一同渡過中秋迎月夜^ ^

小一的最後決定

雖然今天身體抱恙，但係有件重要事情可以同爸爸共同去處理，一齊為大寶貝豬未來六年作出最後嘅決定~睇見學校為小朋友做出精美嘅post card、充滿熱誠嘅介紹，過程一齊都順利愉快，希望最後結果一樣咁如意吧！

病榻的一天

今天美好媽媽打敗將，全身冒汗、頭痛+微燒呀~繼一屋三男病完後...感冒病菌最後輪到探我了！

人生交叉點

大寶貝豬嘅人生轉捩點終於來臨了！來年已是一個小學生，告別幼稚園生活啦！美好媽媽&爸爸正為此時頭痛，因為始終是大人嘅選擇、小朋友來實踐嘛~親愛嘅大寶貝豬：無論日後有幾咁艱辛，媽媽都會與你一同面對，陪伴你成長啊！

Angel妹妹生日會

兩位公子星期日好少肯出街街，不過今日叔叔嬸嬸幫Angel妹妹攪生日會，所以我哋一家大細都出席去參加啦！夜晚仲會一齊食晚飯預祝做中秋節架^ ^

雪耳蘋果雪梨無花果煲豬

天氣轉變，除咗開始乾燥之外，一早一晚嘅溫差都好大上落。所以家中三位男仕呢個星期都有幾聲咳兼感冒呀，所以係時候煲番個滋潤湯水潤吓喉嚨至得啦！

芝士焗薯蓉配香煎豬扒

今晚晚餐整咗一家大細都鍾意食嘅芝士焗薯蓉，材料簡單而且又香濃美味，有薯仔王之稱嘅美好爸爸超Like呀^ ^！今餐仲要配埋香煎豬扒做主菜，呢個西式晚餐簡單豐富又美味~

鳳梨小小酥

今日整咗兩大盤鳳梨小小酥，一啖一個。三仔爺唔駛15分鐘就清晒一盤(有成40粒架)，要即刻整過第二盤至可以聽日送比弟婦一家咋