甜蜜蜜叉燒

為咗想食熱辣辣新鮮出爐叉燒，作為美好媽媽嘅我，係上年12月買咗焗爐開始就一直自家製叉燒比家中三位男仕享用了，常備醬料在家+買嚿靚靚半肥瘦梅頭肉就OK啦!
材料：半肥瘦梅頭肉約$30
醃料：叉燒醬3湯匙、海鮮醬1湯匙、玫瑰露洒1茶匙、麥芽糖1湯匙
做法：先將梅頭肉用醃料醃一天(可以毋需過夜)
預熱焗爐後，用220c度先焗20分鐘，再反轉另一面用200c再焗15-20分鐘，取出掃上麥芽糖多焗5分鐘...叮一聲，熱辣辣嘅甜蜜蜜叉燒出爐啦!
*不過唔好即時切開呀，一來太熱、二來可以等D蜜汁滲係肉入面會好味D架!