香蕉糕

禽日探完美好婆婆，問佢有咩想食，老人家當然話無所謂，你整咩我食咩囉！今日趁住假期，專登試整咗香蕉糕比佢做甜品～呢個方法材料簡單，做法又容易。

材料：
糕粉                             80g
砂糖                             50g
菜油                             1/2茶匙
香蕉油                         1茶匙
滾水                             120ml
糕粉（灑表面用）      適量

牛油紙或保鮮紙

做法：
將砂糖、菜油及香蕉油混合，加入熱滾水將砂糖溶解，隨即加入糕粉，快手攪拌成為粉團，然後將粉團放上牛油紙或保鮮紙上搓成長條狀，再灑上糕粉，切件完成。