我家細少肥豬仔4歲生日了!

今日又到美好媽媽最愛之一嘅人物生日啦!祝細豬仔聰聰4歲天天開心快樂、健健康康、聽聽話話...媽媽永遠錫晒你^ ^

開心沙灘玩沙沙

暑假臨近完結，美好媽媽趁機放假幾天，帶兩位寶貝豬去沙灘玩沙沙，上次去銀礦灣玩經已是三年前了，兩隻百厭星玩得真係好開心呀!美好媽媽對他們嘅誠諾又做到了^ ^

二佬一家人及芬芬到來一天遊

禽日真係好開心~除咗天氣好好之外，仲有芬芬&二佬一家人到訪我哋美好家庭到此一遊，雖然天氣好熱，但係一行九人周圍行、周圍影相、食晚飯、仲食埋飯後甜品呀，二佬仲專登買咗個生日蛋糕送比細豬仔提早唱生日歌添，大家都玩得好開心，難得熱鬧的一天^ ^

最後一堂功夫班

暑假好快就完結了，兩隻百厭豬唔鍾意出街之餘，亦暫時未知對邊類型課外活動有興趣。所以呢個暑假只係報咗區內嘅兒童武術班，話咁快8月28日經已上完最後一堂啦!

蜜桃果撻

天氣咁熱，飯後甜品除咗雪糕雪條之外，新鮮涼快嘅果撻亦係一個甜蜜蜜嘅好選擇，水果可以隨意配搭，而且變化又多，兩位少爺相當Like...

材料:
(可做冇撻面大撻約12個，迷你小撻冇撻面約24個，有撻面迷你批約12個 或 9吋冇批面大圓撻1個)

撻皮:

低筋麵粉                                 160g
糖霜                                         40g
雞蛋                                         半隻
無鹽牛油(室溫)                      100g
雲呢拿香油                             1茶匙

吉士忌廉餡:

吉士粉                                     1湯匙
砂糖                                         3湯匙
淡忌廉 或 鮮奶                       200ml
餡料:

罐頭蜜桃 或 雜果                   適量
朱古力溶液                             適量

啫喱面:

清水                                          4湯匙
魚膠粉                                      1湯匙
砂糖                                          1湯匙

撻皮做法:

1. 先將牛油與糖霜攪拌至均勻，用手打器打至軟身變為淡黃色，再加入雞蛋與牛油打至均勻並加入雲呢拿香油。
2. 加入低筋麵粉用橡皮刮拌勻變成粉糰，然後放入雪櫃泠藏2小時。
3. 將粉糰均勻地分配為所需要之用量，再每份搓圓後備用。
4. 將餅皮放入撻模中間，用手指沿撻模邊稍壓做型。
5. 用叉在撻皮上刺上小孔
6. 先預熱焗爐220c，將撻皮放入已預熱之焗爐焗15-20分鐘，待餅底放涼後
便可掃上朱古力溶液。

吉士忌廉做法:

將砂糖、吉士粉 及 忌廉或奶放入小煲內同煮，用慢火一邊煮一邊攪至呈現糊狀，熄火待涼備用。

啫喱面做法:

砂糖與魚膠粉混合，繼而撞入熱水攪拌至溶解，待涼備用。

果撻組合:

首先將撻皮脫模，將吉士忌廉加入在撻皮內，再放上鮮果， 然後掃上啫喱溶液，最後放入雪櫃冷藏約2小時後便可。

暫時拋夫棄子去街街

今日係超級唔如意嘅一天，心情簡直差到極點*_*難得一早與好友約定相聚，今晚决定撑住檯腳，把酒談颧
歡，盡情吃餐飽、飲餐夠吧!

鬆脆菠蘿飽+菠蘿油

今日美好好媽媽又作新嘗試!其實一直都好想整自家菠蘿油好耐了，不過每次美好爸爸都怕兩位寶貝食到周圍都係菠蘿皮好污糟，但當新鮮熱辣嘅菠蘿飽出爐時，大家都只係滿心歡喜，食完一個又一個，咩污糟都唔記得啦...今次實肥死了!


菠蘿皮做法:

材料:

臭粉、泡打粉、梳打粉                           各1/3茶匙

砂糖                                                             100g

無鹽牛油                                                     60g

菜油                                                             50g

低筋粉                                                         180g

蛋汁                                                             2茶匙

奶粉                                                             3茶匙

做法

1. 先將臭粉、泡打粉、梳打粉、低筋粉、奶粉及砂糖拌勻。

2. 加入菜油、牛油、蛋汁及牛奶搓勻。

3. 分成約15g一份(用於40g麵糰)，搓圓，放入雪櫃冷藏1小時以上才取出來用
(*PS.如分量太多，可分別放入膠袋，放於冰箱保存)

菠蘿包做法:

材料: (約8個正常份量)

高筋麵粉                                                    200g
糖                                                                40g
奶粉                                                            6g
吉士粉                                                        6g

酵母                                                            3g
水                                                                100g
蛋                                                                30g(半隻)
牛油                                                            20g
鹽                                                                1g

1. 所有材料攪勻及搓至滑身有薄膜(牛油稍後才加) 

2. 第一次發酵至麵團2-3倍大(約60分鐘)
3. 排氣及分割成8小個小麵團 。
4. 混圓每個小麵團及靜止5-10分鐘 。
5. 再將麵糰做型
6. 第二次發酵約45分鐘 。
7. 放上菠蘿皮，掃上蛋液，放入已預熱190c之焗爐焗15分鐘即可

**可隨個人口味加入鮮牛油在菠蘿飽內變成更美味嘅鮮油菠蘿飽^ ^

芝心超級至尊批

大部份時間晚餐都係中式為主，有時候轉吓口味，胃口都會好D。大細少好鍾意食Pizza，所以美好媽媽一於來個自家芝心超級至尊批，超豐富超鬆軟...yummy!

材料（份量可做兩個25.5cm/10吋披薩）:


高筋粉                                     300g

糖                                             2茶匙
酵母                                         1茶匙

暖水                                         180ml
橄欖油                                     1湯匙
鹽                                             1茶匙
奶粉                                         1湯匙（可不加）

 

Pizza底做法：
 

1) 先將糖溶於暖水中。灑下酵母，靜置 5至10分鐘，表面形成泡沫。
 

2) 把高筋粉、奶粉和鹽拌勻，灑在乾淨的工作台面上，中間撥開麵粉，倒進酵母溶液和油。把四周的麵粉推進中間並搓捏，直至所有材料混合，搓成光滑的麵團。

 

3) 把麵團搓成圓球形，用濕布蓋著麵團，放置溫暖地方，發酵 1小時，直至發大兩倍(餅底的質感像軟綿的麵包)
 

配料：

雞睥肉                                        1隻
五香肉碎                                    適量
菠蘿                                            適量
蘑菇                                            適量

洋蔥                                            半個

火腿                                            1片

辣肉腸(大)                                  2片(剪碎)

蕃茄醬                                        2-3湯匙

巴馬臣碎芝士                            適量                  
芝士(Mozzarella cheese )      200克
橄欖油 酌量

做法：

1. 預熱焗爐至 200C
2. 用手把麵團的氣體擠出，把麵團分割成兩等份（如果你喜歡做迷你披薩的話，可隨意分割更多份）。把每等份搓成圓球，收口朝下。用濕布蓋著，靜置 15分鐘。（註：如果你不立刻做披薩的話，可把麵團放入雪櫃中，等待有需要時用。）
3. 用麵棍把麵團滾成 0.5cm厚的圓形。預備披薩焗碟或錫紙，塗上橄欖油。把麵團放在焗碟上。用叉在pizza底上插上氣孔，用手指蘸水濕潤，把麵團外圍褶入並壓實。把所有芝士條包好（留意：小心不要在這時把麵團面沾上油份，否則芝士條的收口很難黏牢）。用叉在麵團表面插些孔。
4. 批底均勻塗上一層橄欖油，防止配料把批底弄濕。
5. 塗上蕃茄醬(多少隨意)。灑下 1/3芝士，鋪上所有材料，再灑芝士在上面。
6. 放入已預熱的焗爐中，焗約 15分鐘，直至表面轉金黃色，芝士融化。
7. 從焗爐小心地取出披薩即可。

玉桂蘋果批

大寶貝除咗樣貌似爸爸外，口味亦都幾乎一樣，就係最愛食甜蜜蜜嘅肉桂蘋果批。一出爐大寶貝竟然一口氣食咗4大個，留番1個比美好爸爸，好彩我同細豬無爭食咋~

材料:
(可做冇撻面大撻約12個，迷你小撻冇撻面約24個，有撻面迷你批約12個 或 9吋冇批面大圓撻1個)

撻皮:

低筋麵粉                                 160g
糖霜                                         40g
雞蛋                                         半隻
無鹽牛油(室溫)                      100g
雲呢拿香油                             1茶匙

餡料:

紅蘋果                                    2個
肉桂粉                                    1 1/2茶匙
砂糖                                        3湯匙
檸檬汁                                    半個

做法:
1. 蘋果洗淨切細粒，
2. 用中火將蘋果、砂糖、檸檬汁煮至收乾水份，再加入肉桂粉
3. 蓋上煲蓋熄火，將蘋果稍為焗至軟身，放涼備用


撻皮做法:

1. 先將牛油與糖霜攪拌至均勻，用手打器打至軟身變為淡黃色，再加入雞蛋與牛油打至均勻並加入雲呢拿香油。
2. 加入低筋麵粉用橡皮刮拌勻變成粉糰，然後放入雪櫃泠藏2小時。
3. 將粉糰均勻地分配為所需要之用量，再每份搓圓後備用。
4. 將餅皮放入撻模中間，用手指沿撻模邊稍壓做型。
5. 用叉在撻皮上刺上小孔
6. 先預熱焗爐220c，放入肉桂蘋果在撻模上，加上部份撻皮做裝飾，再掃上蛋汁

7. 將撻放入已預熱之焗爐焗15-20分鐘便可了

 

叉燒雞批

美好媽媽每次到舊式麵包店就會忍唔住買雞批食，因為個種鬆化嘅餅皮配合有醬汁嘅材料，真係會令人心思思成日心掛掛想買番個嚟食...其實全因為美好媽媽為食，每次都敵不過新鮮出爐嘅食物香味啫...嘻嘻!今次將醬汁改咗，用雞肉配合叉燒醬，製作出新口味叉燒雞批

材料:
(可做冇撻面大撻約12個，迷你小撻冇撻面約24個，有撻面迷你批約12個 或 9吋冇批面大圓撻1個)

撻皮:

低筋麵粉                                 160g
糖霜                                         40g
雞蛋                                         半隻
無鹽牛油(室溫)                      100g
雲呢拿香油                             1茶匙

餡料:

雞脾肉                                      2件
叉燒醬                                      2湯匙
玫瑰露酒                                  1茶匙
砂糖                                          2湯匙 (可隨個人口味加減) 

餡料做法:

1. 先將雞肉剪碎，用醃料將雞肉醃最少半小時，備用。
2. 用大火加少許油快手將雞肉炒至熟透，放涼後作為餡料                             
 
雞批做法:

1. 先將牛油與糖霜攪拌至均勻，用手打器打至軟身變為淡黃色，再加入雞蛋與牛油打至均勻並加入雲呢拿香油。
2. 加入低筋麵粉用橡皮刮拌勻變成粉糰，然後放入雪櫃泠藏2小時。
3. 將粉糰均勻地分配為所需要之用量(有撻面約10-12個)，再每份搓圓後備用。
4. 將餅皮放入撻模中間，用手指沿撻模邊稍壓做型。
5. 用叉在撻皮上刺上小孔
6. 預熱焗爐220c，將雞肉入批內，再蓋上批面粉糰，掃上蛋汁。
7. 將批放入已預熱之焗爐焗20分鐘即可

泰式豬頸肉配醬汁

天氣悶熱，最好整D小食開胃吓。豬頸肉係美好媽媽最愛食嘅位置，又爽又彈牙~今次用咗嚟整泰式風味豬頸肉仲配埋個酸酸辣辣嘅醬汁，真係好yummy呀~~

材料：

豬頸肉一塊、蜜糖約2-3茶匙

醃料：

蒜蓉                               2茶匙
鹽                                   少許
胡椒粉                           少許
糖                                   約1茶匙
魚露                               2湯匙
黑胡椒粉                       適量

汁料：

蒜蓉2茶匙、魚露約3湯匙、青檸約一個(榨汁)、糖3-4茶匙、指天椒1-2隻(切粒)

做法:

1. 先將豬頸肉洗淨，抹乾。用叉在豬頸肉上篤小孔, 加入醃料拌勻醃約最少1小時備用(醃過夜更入味。
2. 預熱焗爐180度。
3. 燒熱少許油，將豬頸肉以慢火略煎至表面金黃色，放入已預熱的焗爐內先焗10分鐘，取出再反轉焗10分鐘，取出再兩面搽上蜜糖焗約5分鐘，取出斜切成片。 拌以汁料同吃。
(每個焗爐的watt數都唔同，可自行再調較)

再來自家製麵包(改良版)

又來星期日、搓飽日!今次仲一次過整咗好多不同嘅款式呀~粟米火腿飽、芝心火腿飽、芝士腸仔飽、肉鬆飽、迷你芝士腸仔飽...哈哈!今次改良咗配方之後，比上次更鬆軟、更好味呀^ ^

材料：

水                                       180g

酵母                                   1/2湯匙

高筋麵粉                           320g

低筋麵粉                           80g

砂糖                                   80g

鹽                                       1茶匙

奶粉                                   16g

蛋                                       1個

牛油（室溫軟化）           40g

做法：

1)      所有材料(除牛油外)，依序加入容器內，用手搓勻成粉糰

2)      攪成團後即可加入牛油，用手繼續將粉糰搓至滑身
3)      搓到麵團可拉成薄膜狀。
4)      蓋好，放在溫暖潮濕地方進行基本發酵2小時30分鐘。
5)      發酵完成後會膨脹增大至2-3倍。
6)      用手壓去麵團中的氣體即可。
7)      將全部粉糰取出。
8)      分割成12份(每份約60g)，如做迷你小飽，可將份量再減一半(每份約30g)
9)      逐一滾圓，備用。
10) 把麵團揉成條狀或其他形狀，包入腸仔或其他喜歡之饀料，並掃上蛋水做型
11) 放在溫暖潮濕地方，進行最後發酵55分鐘，發到用手輕按覺得鬆軟無彈性，按痕也不會恢復即可
12)  放入已預熱190℃之焗爐焗12分鐘，完成。

 

*溫馨提示*

1) 不可因為覺得濕黏而加手粉，揉到麵筋擴展後就不會那麼黏手。

2) 把一個蛋黃加半大匙水攪拌就是蛋水