芝士腸仔飽+芝士蟹柳飽首次登場

成日都無時間搓飽飽，所以早兩日已經決定今日一起要實行搓飽大行動!首次登場嘅係迷你芝士腸仔+芝士蟹柳飽(因為就地取材，雪櫃有咩就用咩咋...哈哈!)成功了^ ^真係好有滿足感架!
材料(份量約15-16個小份量):高筋麵粉300g、酵母1.5茶匙、暖水140g、糖40克、鹽2/3茶匙、全蛋1隻、牛油30g、芝士腸8條、蟹柳及芝士適量
做法：先將酵母與暖水混合5分鐘，把所有材料攪勻(牛油稍後才加)然後搓至滑身(拉開有薄膜狀態)，便可以進行第一次發酵(約60分鐘左右)待麵團增大2-3倍。取出麵團排氣及分成16個小麵團，將小麵團搓圓及静止10分鐘，然後把麵團揉成條狀再稍為壓平搌開並包入腸仔或其他饀料，再進行第二次發酵約45分鐘，最後在入爐前掃上蛋液，放入已預熱嘅焗爐用190度焗15分鐘。新鮮熱辣嘅麵包就香噴噴出爐啦....