五香茶葉蛋

每次自家製五香茶葉蛋都要整一大煲至夠食，因為剩係家中三位俊男每次都要打孖上都經已消滅咗半打了~唔整唔知，原來茶葉蛋都有好多Fans架!

材 料 : 12-18 隻雞蛋

調味料 :

八角                   8 粒 ($5己經有一包)
鹽                       2 茶匙
老抽                   2 湯匙
生抽                   5 湯匙

普洱茶葉           8 湯匙

玫瑰露酒           1茶匙

五香粉               2湯匙

做 法 : 

(1) 將雞蛋放進冷水中烚 8-10 分鐘至全熟(水滾後開蓋細火)，取出以冷水喉水浸泡，用匙羹輕輕把蛋殼敲裂(多打幾下)。

(2) 把雞蛋放入鍋中，注入清水至水蓋過雞蛋再多少少，加入調味料拌勻並煮滾，蓋上蓋以慢火煮1個半鐘後熄火,再浸至少半小時就可以啦(其實浸過夜就最入味)!

**溫馨提示

(1) 烚蛋時記得冷水下蛋，否則蛋殼會在中途爆裂，流出蛋白。
(2) 煮好後取一隻試味，如果唔夠味的話,再整碎d個殼再煮多半小時或者
浸過夜就最好味了!