芒果布甸

美好媽媽最愛食甜品，兩位少爺仔當然都唔例外啦!禽晚臨瞓前準備定今晚嘅飯後甜品...滑嘟嘟芒果布甸。
材料：大大芒果1個或2個、芒果啫喱粉1盒、花奶160g(即細花奶1罐)、熱水150ml、凍水120ml，以上材料可做4-5人份量
做法：先將芒果切粒粒備用，啫喱粉用熱水溶解再加入凍水，然後加入花奶並慢慢攪拌直至無粒粒(想布甸滑嘟嘟就可以過濾兩次)，最後加入芒果粒粒分配在靚靚杯杯上，放入雪櫃2-3個鐘就完成啦!