親子活動星期六之芝士火腿+芒果春卷

又到唔駛返工嘅星期六啦!一早整完早餐仲去咗圖書館睇咗一陣書偷吓懶添....而家兩位公子大咗，假日整嘢食都要預埋佢哋一份架，可以當係親子活動、又可以享受整嘢食嘅樂趣，總知就係有得食又有得玩啦!
只要用普通春卷皮都可以做出簡單又好味嘅下午茶，大人細路都可以一齊做得到
材料:芝士4-5片、火腿2大片、芒果1-2個、春卷皮1包
做法:春卷皮預先室溫解涷，芝士及火腿切條，芒果切大粒，將材料放入春卷皮上其中一角，再好似包春卷方法一樣向內摺成長卷形，收口位向下放好便完成一條了
先預熱焗爐，用200c焗25分鐘，其間將春卷反轉一次，焗至兩面金黃香脆即可了!